மேற்குத் தொடர்ச்சி மலையில் கொட்டித் தீர்க்கும் மழை! கோவை குற்றாலம் தற்காலிகமாக மூடல்!

மேற்குத் தொடர்ச்சி மலைப் பகுதிகளில் தொடர்ச்சியாகப் பெய்துவரும் கனமழை காரணமாக, கோவை குற்றாலம் அருவியில் திடீரென வெள்ளப்பெருக்கு ஏற்பட்டுள்ளது.

இதன் காரணமாகப் பொதுமக்களின் பாதுகாப்பு மற்றும் முன்னெச்சரிக்கை நடவடிக்கைகளைக் கருத்திற் கொண்டு, கோவை குற்றாலம் சூழல் சுற்றுலா மையம் இன்று (21/09/2026) தற்காலிகமாக மூடப்படுவதாக வனத்துறை அதிகாரப்பூர்வமாக அறிவித்துள்ளது.

நீர்வரத்து சீராகி இயல்பு நிலை திரும்பும் வரை சுற்றுலாப் பயணிகள் அருவிப் பகுதிக்குச் செல்ல வேண்டாம் எனவும், வனத்துறையின் அடுத்தகட்ட அறிவிப்பு வரும் வரை ஒத்துழைப்பு நல்குமாறும் கேட்டுக்கொள்ளப்பட்டுள்ளனர்.