தவெக ஆட்சி தமிழகத்தின் துயரம் – எடப்பாடி பழனிசாமி விமர்சனம்

சேலம்: தமிழகத்தில் கடந்த ஆறு மாதங்களாக நடைபெற்று வரும் தவெக ஆட்சி மக்களுக்கு துயரத்தை ஏற்படுத்தியுள்ளதாக அதிமுக பொதுச்செயலாளர் எடப்பாடி பழனிசாமி விமர்சித்துள்ளார்.

சங்ககிரியில் செய்தியாளர்களிடம் பேசிய அவர், தமிழகத்தில் சட்டம் ஒழுங்கு முற்றிலும் சீர்கெட்டுள்ளதாகவும், கொலை, கொள்ளை, பாலியல் குற்றங்கள் மற்றும் போதைப்பொருள் விற்பனை அதிகரித்துள்ளதாகவும் குற்றம்சாட்டினார். தேர்தல் வாக்குறுதிகளில் பலவற்றை முதலமைச்சர் விஜய் நிறைவேற்றவில்லை என்றும், புதிய திட்டங்களையும் அறிவிக்கவில்லை என்றும் தெரிவித்தார்.

மேலும், மேகதாது அணை விவகாரத்தில் தமிழக அரசு உரிய பதிலளிக்க வேண்டும் என்றும், காவிரி நீரை முறையாகப் பெற்றுத் தர நடவடிக்கை எடுக்க வேண்டும் என்றும் வலியுறுத்தினார். விலைவாசி உயர்வு, அரிசி விலை அதிகரிப்பு உள்ளிட்ட பிரச்சினைகளுக்கும் அரசே பொறுப்பேற்று நடவடிக்கை எடுக்க வேண்டும் எனக் கேட்டுக்கொண்டார்.