கோயம்புத்தூர் பெரியார் அறிவுலக நூலகத்திற்காகப் புத்தகங்கள் கொள்முதல் செய்யப்பட்டதில் முறைகேடுகள் நடந்ததாக எழுந்துள்ள புகார்களுக்குத் தென்னிந்திய புத்தக விற்பனையாளர் மற்றும் பதிப்பாளர் சங்கம் (BAPASI) தன் கண்டனத்தையும் விளக்கத்தையும் வெளியிட்டுள்ளது.
-
முறைகேடுப் புகார்கள்: நூல்களுக்கு போலியான ISBN எண்கள் பயன்படுத்தப்பட்டதாகவும், செயற்கை நுண்ணறிவு (AI) மூலம் உருவாக்கப்பட்ட தரமற்ற உள்ளடக்கங்கள் அச்சிடப்பட்டதாகவும், குறைந்த விலை நூல்கள் பலமடங்கு கூடுதல் விலைக்கு வாங்கப்பட்டதாகவும் குற்றச்சாட்டுகள் எழுந்தன.
-
பபாசி விளக்கம்: கடந்த 50 ஆண்டுகளாகப் பதிப்புத் துறையில் நேர்மையையும் நம்பகத்தன்மையையும் நிலைநாட்டி வரும் தங்களது அமைப்பிற்கும், இந்த முறைகேடுகளில் தொடர்புபடுத்தப்படும் நபர்களுக்கும் எந்தவிதத் தொடர்பும் இல்லை என்று பபாசி தெளிவுபடுத்தியுள்ளது. மேலும், தவறு இழைத்தவர்கள் யாரும் பபாசி அமைப்பின் உறுப்பினர்கள் அல்ல என்றும் சங்கம் தரப்பில் திட்டவட்டமாக விளக்கமளிக்கப்பட்டுள்ளது.
Leave a Reply