காங்கிரஸ் உருவாக்கிய இந்தியா கூட்டணியில் திமுக இடம்பெறவில்லை என்றும், எதிர்கால அரசியல் சூழலுக்கு ஏற்ப தேசிய அளவில் புதிய கூட்டணிகள் உருவாகும் என்றும் திமுக செய்தித் தொடர்பாளர் டி.கே.எஸ். இளங்கோவன் தெரிவித்துள்ளார்.
சென்னையில் செய்தியாளர்களிடம் பேசிய அவர், “காங்கிரஸ் உருவாக்கிய கூட்டணியில் திராவிட முன்னேற்றக் கழகம் இடம்பெறவில்லை. அரசியலில் சூழ்நிலைகளுக்கு ஏற்ப கூட்டணிகளின் நிலை மாறக்கூடும். எதிர்காலத்தில் தேசிய அரசியலில் புதிய அரசியல் சமநிலையும், வலுவான கூட்டணியும் உருவாக வாய்ப்புள்ளது. பாஜகவுக்கு எதிராக மதச்சார்பற்ற கட்சிகள் மீண்டும் ஒன்றிணைந்து வலுவான கூட்டணியை உருவாக்கும்” என்று கூறினார்.
மேலும், தமிழக அரசின் செயல்பாடுகள் குறித்தும் அவர் கடுமையாக விமர்சித்தார். “முதலமைச்சர் விஜய் எந்த வகையான ஆட்சியை நடத்துகிறார் என்பதே புரியவில்லை. மாநிலத்தில் குற்றச் சம்பவங்கள் அதிகரித்து வரும் நிலையில் அவர் அமைதியாக இருக்கிறார். புதிய அரசுக்கு ஆறு மாத கால அவகாசம் வழங்க வேண்டும் என்று நாங்கள் நினைத்தோம். ஆனால் அவரே தனது செயல்பாடுகள் மூலம் அரசின் மீது விமர்சனங்களை வரவழைத்துக் கொள்கிறார். மக்களுக்கு எதிரான இந்த ஆட்சியை எவ்வாறு அனுமதிக்க முடியும்?” என்று கேள்வி எழுப்பினார்.
தேசிய அரசியலில் கூட்டணி மாற்றங்கள் மற்றும் தமிழக அரசின் செயல்பாடுகள் குறித்து டி.கே.எஸ். இளங்கோவன் தெரிவித்துள்ள இந்த கருத்துகள் அரசியல் வட்டாரங்களில் பரபரப்பை ஏற்படுத்தியுள்ளன. குறிப்பாக, இந்தியா கூட்டணியின் எதிர்காலம் மற்றும் பாஜகவுக்கு எதிரான அரசியல் வியூகங்கள் குறித்து அவர் கூறியுள்ள கருத்துகள் முக்கியத்துவம் பெற்றுள்ளன.
Leave a Reply