கோவையில் 2-வது நாளாகத் தூய்மைப் பணியாளர்கள் வேலைநிறுத்தம்: பூசணிக்காய் வைத்து நூதன முறையில் போராட்டம்!

பூசணிக்காய் வைத்து நூதன போராட்டம்: போராட்டத்தின் 2-வது நாளான இன்று, மாநகராட்சி அலுவலகம் முன்பு நூற்றுக்கும் மேற்பட்ட ஒப்பந்தத் தூய்மைப் பணியாளர்கள் அமைதியான முறையில் அமர்ந்து போராட்டத்தில் ஈடுபட்டனர். மாவட்ட ஆட்சியரின் அறிவிப்புகள் மற்றும் தங்களது கோரிக்கைகள் நிர்வாகத்தால் மறைக்கப்படுவதைக் கண்டிக்கும் வகையில், பூசணிக்காயை வைத்து நூதன முறையில் தங்களது எதிர்ப்பைப் பதிவு செய்தனர்.

மாநகராட்சி நிர்வாகம் உடனடியாகத் தொழிற்சங்கப் பிரதிநிதிகளை அழைத்துப் பேச்சுவார்த்தை நடத்தி, உரிய தீர்வு காண வேண்டும் என்றும், சுமுகத் தீர்வு எட்டப்படும் வரை போராட்டம் தொடரும் என்றும் தொழிலாளர்கள் தெரிவித்துள்ளனர்.

பாதிக்கப்பட்ட தூய்மைப் பணிகள்: இந்த வேலைநிறுத்தம் காரணமாக பெரும்பாலான தூய்மைப் பணியாளர்கள் பணிக்குச் செல்லவில்லை. மாற்றுப் பணியாளர்கள் மட்டுமே வேலையில் ஈடுபட்டுள்ளதால், கோவை மாநகராட்சிக்குட்பட்ட பல பகுதிகளில் குப்பைகள் தேங்கி தூய்மைப் பணிகள் கடுமையாகப் பாதிக்கப்பட்டுள்ளன.