ராணிப்பேட்டை மாவட்டம், அரக்கோணத்தில் செயல்பட்டு வரும் மத்திய தொழிற்பாதுகாப்பு படை பயிற்சி மையத்தின் 56-வது ஆண்டு விழாவில், மத்திய உள்துறை அமைச்சர் அமித்ஷா கலந்து கொண்டு அணிவகுப்பு மரியாதையை ஏற்றுக்கொண்டார்.
அமித்ஷாவின் வருகையை முன்னிட்டு பாஜக சார்பில் மாவட்டத்தின் முக்கிய இடங்களில் அவரை வரவேற்கும் வகையில் பல்வேறு சுவரொட்டிகள் ஒட்டப்பட்டன.
இந்நிலையில், ஒரு போஸ்டரில் அமித்ஷாவின் படத்திற்குப் பதிலாக நடிகர் சந்தான பாரதியின் படம் இடம்பெற்றுள்ளது, இது பாஜகவினரிடையே பெரும் குழப்பத்தையும் அதிர்ச்சியையும் ஏற்படுத்தியுள்ளது.
குறிப்பாக, பாஜக பெண் நிர்வாகி ஒருவரின் சார்பில் இந்த போஸ்டர் ஒட்டப்பட்டதாக கூறப்படுகிறது. ஆனால், சம்பந்தப்பட்ட பெண் நிர்வாகி இதனை மறுத்துள்ளார். மேலும், இதுபற்றி காவல் நிலையத்தில் புகார் அளிக்க உள்ளதாகவும் தகவல் வெளியாகியுள்ளது.
Leave a Reply