கோவை எம்.பி. கணபதி ராஜ்குமார் மற்றும் அமைச்சர் டி.ஆர்.பி.ராஜா மருதமலை முருகன் கோவிலில் வழிபாடு

நேற்றிரவு வாக்கு எண்ணிக்கை மையத்தில் இருந்து அமைச்சர் டிஆர்பி ராஜா உடன் காந்திபுரம் பகுதிக்குச் சென்ற கோவை மக்களவை உறுப்பினர் கணபதி ராஜ்குமார், அண்ணா சிலை மற்றும் பெரியார் சிலைகளுக்கு மாலை அணிவித்து மரியாதை செலுத்தினார்.

இந்த நிலையில் இன்று காலை கோவை மருதமலை முருகன் கோவிலுக்கு அமைச்சர் டிஆர்பி ராஜா உடன் கணபதி ராஜ்குமார் சென்றார். அவருடன் கட்சி நிர்வாகிகளும் சென்று இருந்தனர். முருகன் கோவிலில் இன்று காலை வழிபாடு நடத்திய கணபதி ராஜ்குமார் அங்கிருந்த பிற சிறு கோவில்களிலும் வழிபாடு நடத்தினார். தேர்தல் பிரசாரத்தை மருதமலை முருகன் கோவிலில் வழிபாடு செய்து துவங்கிய திமுக, வெற்றி பெற்ற பிறகும் அதே கோவிலில் வழிபாடு செய்துள்ளது குறிப்பிடத்தக்கது.