கோவையில் இருந்து பணம், தங்கம் கடத்தல் – மூவர் கைது

கோவையில் இருந்து பணம் மற்றும் தங்கம் கடத்திய மூன்று பேரை கேரள மாநில காவல்துறையினர் கைது செய்தனர்.

கேரள மாநிலம் வேலந்தாவளத்தில், தமிழ்நாட்டில் இருந்து கேரளாவிற்கு சட்டவிரோதமாக கடத்த முயன்ற ரூ​ 70 லட்சம் ரொக்கப் பணமும், 200 கிராம் தங்கமும் மாவட்ட போதைப்பொருள் தடுப்புப் பிரிவினரால் பறிமுதல் செய்யப்பட்டுள்ளது.

இந்த சம்பவம் தொடர்பாக​ கோவையைச் சேர்ந்த மூன்று பேர் கைது செய்யப்பட்டு உள்ளனர். கைது செய்யப்பட்டவர்கள் கோவையை சேர்ந்த சாகர், மணிகண்டன் மற்றும் சந்தீப் ஆவர். இவர்கள் மூவரும் தங்கத்தையும், பணத்தையும் பிரத்யேகமாகத் தயாரிக்கப்பட்ட உள்ளாடைகளுக்குள் மறைத்து வைத்து கடத்த முயன்றதாக காவல் துறையினர் தெரிவித்தனர்.