காந்திபுரம் பேருந்து நிலையத்தில் தமிழ்நாடு அரசின் சாதனை குறித்த புகைப்பட கண்காட்சி – அமைச்சர் முத்துசாமி திறந்து வைத்தார்

கோவை காந்திபுரம் நகர பேருந்து நிலையத்தில் செய்தி மக்கள் தொடர்பு துறை சார்பில் தமிழ்நாடு அரசின் சாதனைகள் நலத்திட்ட உதவிகள் குறித்து புகைப்பட கண்காட்சி அமைக்கப்பட்டுள்ளது. இதனை தமிழ்நாடு வீட்டு வசதி வாரிய அமைச்சர் முத்துசாமி திறந்து வைத்து பார்வையிட்டார். இந்நிகழ்ச்சியில் மாவட்ட ஆட்சித்தலைவர் கிராந்திகுமார் பாடி, மாநகராட்சி மேயர் கல்பனா ஆனந்தகுமார், மாநகராட்சி ஆணையாளர் சிவகுரு பிரபாகரன், மாநகராட்சி துணை மேயர் ரா.வெற்றிசெல்வன், செய்தி மக்கள் தொடர்பு அலுவலர் ஆ.செந்தில் அண்ணா, மற்றும் அரசு அலுவலர்கள் பலர் கலந்துகொண்டனர்.​