தமிழ்நாட்டில் இன்றைய தினம் (ஆகஸ்ட் 14) இரவு 7 மணிக்குள் 11 மாவட்டங்களில் ஓரிரு இடங்களில் லேசானது முதல் மிதமான மழை பெய்யக்கூடும் என சென்னை வானிலை ஆய்வு மையம் அறிவித்துள்ளது.
இதற்கான காரணமாக, மத்தியமேற்கு மற்றும் அதனை ஒட்டியுள்ள வடமேற்கு வங்கக்கடல் பகுதிகளில் நேற்று காலை உருவான காற்றழுத்த தாழ்வு பகுதி குறிப்பிடப்படுகிறது. இந்த தாழ்வு பகுதி, அடுத்த 24 மணி நேரத்தில் மேற்கு-வடமேற்கு திசையில் நகர்ந்து, வடக்கு ஆந்திரா மற்றும் தெற்கு ஒரிசா பகுதிகளை கடக்கக்கூடும் என கணிக்கப்படுகிறது.
மேலும், தென்னிந்தியாவின் மேல் பகுதியில் வளிமண்டல மேலடுக்கு சுழற்சி நிலவுகிறது. இதனால், தமிழகம், புதுச்சேரி மற்றும் காரைக்கால் பகுதிகளில், வானிலை மாற்றத்துடன் மழை பெய்யக்கூடிய சூழ்நிலை உருவாகியுள்ளது.
Leave a Reply