தமிழக வெற்றிக் கழகத்தின் (தவெக) பூத் கமிட்டி மாநாடு கடந்த இரு நாட்களாக கோவையில் சிறப்பாக நடைபெற்று வருகிறது. இந்த மாநாட்டில் கட்சி தலைவர் விஜய் பங்கேற்று உரையாற்றினார்.
சனிக்கிழமை நடைபெற்ற முதல் நாள் மாநாட்டிற்குப் பிறகு, ஞாயிற்றுக்கிழமை இரண்டாவது நாளாக ஆலோசனைக் கூட்டம் நடைபெற்றது. இதில் உரையாற்றிய விஜய், அண்ணாவின் சொற்களை மேற்கோள் காட்டி, “மக்களுடன் இணைந்து, மக்களுக்காக சேவை செய்ய வேண்டும்” என்றார். அண்ணா வாக்குறுதியை புரிந்துகொண்டு செயல்பட வேண்டும் எனவும் தவெகவினருக்கு ஆலோசனை வழங்கினார்.
தொடர்ந்து விஜய் பேசுகையில், “தவெக வெறும் அரசியல் லாபத்திற்காக உருவான கட்சி அல்ல. இங்கு மக்கள் பிரச்சினைகளில் சமரசத்திற்கு இடமில்லை. மக்களுக்காக எந்த எல்லைக்கும் செல்ல தயாராக இருக்க வேண்டும். கோவை சிறுவாணி தண்ணீரைப் போல் சுத்தமான ஆட்சி தவெக ஆட்சியில் அமையும். ஊழல், மோசடி ஆகியவற்றிற்கே இடமில்லாத நிர்வாகம் அமைக்கும். தவெகவினர் வர்க்க வஞ்சனைகளை முறியடித்து, மக்களுக்காக செயல்பட வேண்டும். தவெக ஒரு சாதாரண அரசியல் கட்சி அல்ல; இது ஒரு விடுதலை இயக்கம்” என்று வலியுறுத்தினார்.
மாநாட்டில் கட்சி நிர்வாகிகள் மற்றும் பல்வேறு பகுதியிலிருந்து வந்த தவெக தொண்டர்கள் திரளாக பங்கேற்றனர்.
Leave a Reply