தொண்டாமுத்தூர் அருகே புத்தூர் பகுதியில் உள்ள ஒரு விவசாய தோட்டத்தில் உள்ள கிணற்றில் தவறி விழுந்த இரண்டு மான்கள், தீயணைப்பு துறையினரின் விரைந்து செயல்பட்ட முயற்சியின் காரணமாக உயிருடன் மீட்கப்பட்டன. இந்த சம்பவம் அப்பகுதி மக்களிடையே பெரும் மகிழ்ச்சியை ஏற்படுத்தியுள்ளது.
வெள்ளிக்கிழமை காலை ஏற்பட்ட இந்த சம்பவத்தைத் துரிதமாக கவனித்த அப்பகுதி மக்கள், உடனடியாக தீயணைப்பு துறைக்கு தகவல் வழங்கினர். அதன் பேரில், தொண்டாமுத்தூர் தீயணைப்பு நிலைய அலுவலர் அணில் குமார் மற்றும் சிறப்பு நிலைய அலுவலர் செல்வராஜ் தலைமையில் குழுவினர் சம்பவ இடத்திற்கு விரைந்து வந்து, சுமார் ஒரு மணி நேரப் போராட்டத்திற்குப் பின்னர் இரு மான்களையும் பாதுகாப்பாக மீட்டனர்.
பின்னர், உயிருடன் மீட்கப்பட்ட மான்கள் கோவை வனத்துறையிடம் ஒப்படைக்கப்பட்டன. வனத்துறை அதிகாரிகள் அவற்றின் உடல்நலத்தைக் கண்காணித்து பராமரித்து வருகின்றனர்.
Leave a Reply