இந்தியா உருவாக்கிய ஹைட்ரஜன் ரயில் எஞ்சின்

இந்தியா சமீபத்தில் உலகின் மிகப்பெரிய திறன் கொண்ட ஹைட்ரஜன் எரிபொருள் ரயில் எஞ்சினை உருவாக்கியுள்ளது. இதன் மூலம், இந்திய ரயில்வே ஒரு புதிய சாதனை படைத்துள்ளது. பெரும்பாலான நாடுகள் 500 முதல் 600 குதிரைத்திறன் (HP) கொண்ட ஹைட்ரஜன் ரயில்களை உருவாக்கியுள்ள நிலையில், 1,200 குதிரைத்திறன் (HP) திறன் கொண்ட இந்த புதிய ரயில் இந்தியாவின் வளர்ச்சியில் ஒரு முக்கிய திருப்புமுனையாக கருதப்படுகிறது.
2023-24 நிதியாண்டில், இந்திய அரசு ரயில்வேக்கு ₹2,800 கோடி ஒதுக்கியுள்ளது, இதில் 35 ஹைட்ரஜன் எரிபொருள் செல் அடிப்படையிலான ரயில்கள் உருவாக்கப்படும். முதல் ஹைட்ரஜன் ரயிலை வடக்கு ரயில்வேயின் டெல்லி பிரிவு பெற்றுள்ளது.
இந்த ஹைட்ரஜன் ரயிலின் சோதனை ஓட்டம், 89 கி.மீ நீளமுள்ள ஜிந்த்-சோனிபட் வழித்தடத்தில் நடத்தப்படும். ஒன்றுக்கு ₹80 கோடி செலவாகும் என மதிப்பிடப்பட்டுள்ளது. மேலும், ஒவ்வொரு வழித்தடத்திலும் உள்கட்டமைப்பு மேம்பாட்டிற்கு கூடுதலாக ₹70 கோடி முதலீடு செய்யப்படும்.
இந்த ஹைட்ரஜன் ரயிலின் அதிகாரப்பூர்வ வெளியீட்டிற்கு முன்னர், உயர் பாதுகாப்பு தரங்களை உறுதி செய்ய, ஜெர்மனியின் டியுவி-எஸ்யுடி நிறுவனம் மூலமாக மூன்றாம் தரப்பு பாதுகாப்பு தணிக்கை மேற்கொள்ளப்பட்டுள்ளது. இந்த ரயில்களுக்கு தேவையான ஹைட்ரஜன் எரிபொருள், ஹரியானாவின் ஜிந்தில் அமைந்துள்ள 1 மெகா
வாட் பாலிமர் எலக்ட்ரோலைட் சவ்வு எலக்ட்ரோலைசர் மூலம் தயாரிக்கப்படும். இது ஒரு நாளுக்கு சுமார் 430 கிலோ ஹைட்ரஜனை உற்பத்தி செய்யும் என்று எதிர்பார்க்கப்படு கிறது. மேலும், இந்த ரயிலின் எரிபொருள் நிரப்புதலை பாதுகாப்பாக செய்ய, 3,000 கிலோ ஹைட்ரஜன் சேமிப்பு அமைப்பு, ஹைட்ரஜன் அமுக்கி மற்றும் முன்-குளிரூட்டி ஒருங்கி
ணைப்பு கொண்ட இரண்டு ஹைட்ரஜன் டிஸ்பென்சர்கள் ஜிந்தில் கட்டப்பட்டுள் ளது. இந்த ஹைட்ரஜன் ரயில், அதிகபட்சமாக மணிக்கு 110 கிமீ வேகத்தில் இயங்கும். ஒரு ரயிலில் மொத்தம் 2,638 பயணிகள் பயணம் செய்யும் திறன் உள்ளது. ஹரியானா வழித்தடத்தில் ரயில்வே உள்கட்டமைப்பு மிகவும் வலுவாக இருப்பதால், ஜிந்த்-சோனிபட் பாதை முதல் ஹைட்ரஜன் ரயிலை இயக்க தேர்வு செய்யப்பட்டுள்ளது.
இந்த திட்டத்தின் ஆரம்ப முதலீடு அதிகமாக இருந்தாலும், எரிபொருள் செலவு குறையும் என்பதால், நீண்டகாலத்தில் இது மிகவும் திறமையான மற்றும் செலவு குறைந்த தீர்வாக மாறும். அதேசமயம், இது சுற்றுச்சூழலுக்கு பாதுகாப்பான மற்றும் பசுமையான மாற்றாக இருக்கும்.