மனதுக்குள் வேண்டுவதை நிறைவேற்றும் மௌன சித்தர்

சித்தர் பூமியான திருவண்ணாமலையில் உள்ள ஒரு சித்தர் தான் மௌன சித்தர். அப்பா என்றும் மௌன சித்தர் என்றும் பக்தர்களால் அழைக்கப்படும் இவர் தொடர்ந்து ஐந்து வருடங்கள் வெயில், மழை பாராமல் திருவண்ணாமலையை காலையும், மாலையும் தினமும் கிரிவலம் வந்தவர்.
அவர் பிப்ரவரி 19, 1965 இல் விருதுநகர் நாகலாபுரத்தில் பரமசிவம், தாயார் பெரியக்காள் ஆகியோருக்கு மகனாக பிறந்தார். அவர் முதலில் மாடசாமி என்று அழைக்கப்பட்ட இவர் 12 ஆம் வகுப்பு வரை படித்தார். மேலும் அவர் தனது வாழ்நாளில் சமய சந்நியாசத்தை கடைப்பிடிப்பவர். 25 வருடங்களாக,11 வருடங்கள் காட்டில் தவ வாழ்வு வாழ்ந்த இவர், கடந்த ஐந்து வருடங்களாக தூக்கமின்றி தவத்தில் ஈடுபட்டவர். 11 கோடி மந்திரங்களை இவர் முடித்த பின்னர் இவரின் நாக்கு உள் பக்கமாக மடிந்தது. அதற்கு முன் பேசிய சித்தர், அன்று முதல் மௌனமாகவே இருந்துள்ளார்.
வருடத்திற்கு ஒரே ஒரு நாள் மட்டுமே அவர் குளிப்பார். 24 மணி நேரமும் அமர்ந்த நிலையில் தவ வாழ்வில் ஈடுபட்டவர். திருவண்ணாமலைக்கு வரும் பக்தர்களின் பிரச்சனைகள் அனைத்தும் அவர் கருணை இருந்தால் நிச்சயம் தீரும். குழந்தைகளுக்கு உடல் உபாதைகள் வருவது, குழந்தை பேறு இல்லாதவர்கள், உடலில் எலும்பு சம்பந்தப்பட்ட பிரச்சனை உடையவர்கள் என அனைவருக்கும் அவர் தீர்வை கொடுத்துள்ளார்.
இவரின் ஆஷ்ரமத்தில் உள்ள ரஷ்ய பக்தை ஒருவர் கூறியதாவது, நான் இங்கு வந்து ஐந்து வருடங்கள் ஆகிறது. முதல் முறை இங்கு வந்தபோது, இவரை பற்றி கேள்விபட்டேன், ஆனால் பார்க்க முடியவில்லை. இரண்டாவது முறை வந்தபோது சித்தரை கிரிவலத்தில் பார்த்தேன். இப்போது நாட்டில் பல சாமியார்கள் உள்ளனர், யார் உண்மை யார் போலி என தெரியவில்லை. ஆனால் மௌன சித்தரை பார்த்தபோது இவர் உண்மையானவர் என எனக்கு தோன்றியது. மௌன சித்தர் என் கனவில் வரத் தொடங்கினார், அதன்பின் நான் இங்கு வந்துவிட்டேன். சித்தருக்கு பணிவிடை செய்து வருகிறேன். நானும் பிற்காலத்தில், அவரை போல தவ வாழ்வில் ஈடுபட்டு சிவனிடம் செல்ல வேண்டும் என கூறினார்.
மௌன சித்தரின் மகிமையாக ஒருவர் பகிரும் பொழுது , “2 மூளையுடன் ஒரு குழந்தை பிறந்தது, குழந்தை வளரத் தொடங்கியதும், நரம்புகள் அழுத்தம் கொடுத்தன, கண்கள் சிறியதாக மாறியது. குழந்தை தனது கைகளையும் கால்களையும் அசைக்க முடியவில்லை, குழந்தைக்கு தொடர்ந்து தலைவலி இருந்ததால், அவரது குடும்பத்தினர் மருத்துவரிடம் சென்று பார்த்தனர். டாக்டர் ஸ்கேன் செய்து, குழந்தை பிறந்தது 2 மூளையின் சிக்கலுடன் இருப்பதையும், அவற்றைப் பிரிக்க அறுவை சிகிச்சை செய்தால், அது மரணத்திற்கு கூட வழிவகுக்கும் என்று கூறினர். அதன் பிறகு, அவர்கள் சுவாமியை நம்பி, குழந்தையை அவரிடம் கொண்டு வந்தனர். அப்போது, குழந்தைக்கு கடுமையான தலைவலி ஏற்பட்டதால், சுவாமி அவர்களுக்கு விபூதி கொடுத்தார். அதை குழந்தையின் மீது தடவியதும், வியக்கத்தக்க வகையில் தலைவலி நீங்கியது. தற்போது குழந்தையின் உடல்நிலை சீராக உள்ளதால் மகிழ்ச்சியுடன் பள்ளிக்கு சென்று வருகிறார்.” என்று பகிர்ந்து கொண்டார்.
தூய்மையான மனதுடன் வருபவர்களுக்கு அவரின் மௌன சித்தரின் ஆசி கண்டிப்பாக கிடைக்கும் என்கிறார்கள் இவரிடம் ஆசி பெற்று செல்லும் பக்தர்கள்.