கோவை மாவட்டம் தொண்டாமுத்தூர் பகுதியில் உள்ள மலை கிராமங்களில் பல்வேறு பழங்குடியினர்கள் கால்நடை வளர்ப்பை தங்கள் முதன்மை தொழிலாகக் கொண்டு இருப்பது குறிப்பிடத்தக்கது. குறிப்பாக, ஆலாந்துறை பேரூராட்சிக்கு உட்பட்ட காளிமங்கலம் என்ற மலை கிராமத்தில் உள்ள மக்கள் வெள்ளாடுகளை வளர்ப்பதில் முக்கிய ஈடுபாட்டைக் கொண்டுள்ளனர்.
இந்த கிராமத்தைச் சேர்ந்த சாவித்திரி, விஜயா, மங்கலம் மற்றும் கண்ணம்மா ஆகிய நால்வர், தங்களுடைய 40-க்கும் மேற்பட்ட வெள்ளாடுகளை வளர்த்து வருகின்றனர். வழக்கம்போல், இவர்கள் கடந்த இரண்டு நாட்களுக்கு முன்பு மேற்கு தொடர்ச்சி மலைப்பகுதிக்குள் ஆடுகளை மேய்த்தல் நோக்கில் அழைத்துச் சென்றனர்.
ஆடுகளை மேய்த்து முடித்து, மீண்டும் மலை கிராமத்துக்கு திரும்பியபோது, வெள்ளாடுகள் கடும் தாகத்துடன் காணப்பட்டன. அருகில் இருந்த ஒரு வாழைத்தோட்டத்தில் உரம் கலந்திருந்த தண்ணீரை அவை பருகின. அந்த நீரை குடித்ததற்குப் பிறகு, ஆடுகள் மயக்கம் அடைந்து ஒன்றுக்கொன்று விழுந்து பரிதாபமாக உயிரிழந்தன.
பின்னர் நடந்த விசாரணையில், அந்த வாழை தோட்டத்தில் உர கரைசலை தண்ணீருடன் கலந்து வைத்திருந்தது தெரியவந்தது. அந்தக் கலவையை வெள்ளாடுகள் தாகத்தினால் பருகியதால் அவை உயிரிழந்தன என்பது உறுதிசெய்யப்பட்டது. உயிரிழந்த வெள்ளாடுகளின் உடல்களுக்கு உடற்கூறாய்வு மேற்கொள்ளப்பட்டு, பிறகு அவை புதைக்கப்பட்டன.
Leave a Reply