தடாகம் பள்ளத்தாக்கில் விவசாயிகள் – யானை மோதலைத் தடுக்க கோரிக்கை

கோவையில் நடைபெற்ற விவசாயிகள் குறைதீர்க்கும் கூட்டத்தில் மாவட்ட ஆட்சியர் மற்றும் மாவட்ட வன அலுவலரிடமும் தடாகம் பகுதியை சேர்ந்த ஜெயப்பிரகாஷ் என்பவர் சார்பில் அளிக்கப்பட்டுள்ள கோரிக்கை மனுவில் “ஹார்வர்டு பல்கலைக்கழக ஆய்வு, பதின்மூன்று ஆண்டுகளில்நாட்டிலேயே அதிக எண்ணிக்கையிலான மனித – யானை மோதல் செய்திகளை உருவாக்கியது கோயம்புத்தூர் என்று அடையாளம் கண்டுள்ளது.
கடந்த 12 ஆண்டுகளில் கோயம்புத்தூர் வனக் கோட்டத்தில் 85க்கும் மேற்பட்ட கிராமங்கள் மற்றும் சிறு நகரங்கள் யானைத் தாக்குதலால் 147 மனிதர்களும், பல்வேறு காரணங்களால் 176 யானைகளும் உயிரிழந்துள்ளதாக வனத் துறை புள்ளிவிவரங்கள் கூறுகின்றன. இதில் 102 மனித மரணங்கள் காடுகளுக்கு வெளியே நடந்துள்ளன.
விவசாயிகளின் ஆண்டு வருமானத்தில் ஐந்தில் ஒரு பங்கினை யானை சேதப்படுத்துகின்றன. இதனை தடுக்க உள்ளூர் சமூகங்கள், அரசாங்கங்கள் மற்றும் பாதுகாவலர்களிடையே உரையாடலை அதிகப்படுத்துதல், முன் எச்சரிக்கை அமைப்புகளை ஏற்படுத்துதல், இழப்பீடுகள் மற்றும் காப்பீட்டு திட்டங்களை அதிகப்படுத்துதல் உள்ளிட்ட முன்னேற்பாடுகளை எடுக்க வேண்டும். தற்போதுள்ள ரேபிட் ரெஸ்பான்சிவ் டீமுடன் (ஆர்ஆர்டி) கூடுதலாக ஒரு முதன்மை ரெஸ்பான்சிவ் குழுவை (பிஆர்டி) உருவாக்கவும். பி.ஆர்.டி கள் வன கண்காணிப்பாளர்கள் மற்றும் கிராம தன்னார்வலர்களின் கலவையாக இருக்க வேண்டும் மற்றும் ஆர்.ஆர்.டி இல் உள்ள துறை வல்லுநர்கள் வரும் வரை முதல் வரிசை பாதுகாப்பை மேற்கொள்ள வேண்டும்.” என்று அந்த மனுவில் குறிப்பிடப்பட்டுள்ளது