ஆயுத பூஜை தினத்தன்று சற்று உயர்ந்திருந்த தங்கத்தின் விலை, விஜயதசமி நாளான இன்று திடீரெனக் சரிந்துள்ளதால் நகைப் பிரியர்கள் மற்றும் இல்லத்தரசிகள் பெரும் நிம்மதி அடைந்துள்ளனர்.
சென்னையில் இன்று (அக்டோபர் 20) நிலவரப்படி, 22 காரட் ஆபரணத் தங்கம் ஒரு கிராமுக்கு ரூ.80 குறைந்து ரூ.13,490-க்கும், ஒரு சவரன் ரூ.640 குறைந்து ரூ.1,07,920-க்கும் விற்பனை செய்யப்பட்டு வருகிறது. அதே சமயம், வெள்ளி விலையில் எந்தவித மாற்றமுமின்றி, தொடர்ந்து ஒரு கிராம் ரூ.240-க்கும், ஒரு கிலோ பார் வெள்ளி ரூ.2,40,000-க்கும் விற்பனையாகிறது.
கடந்த சில நாட்களாகத் தங்கத்தின் விலையில் தொடர்ச்சியான ஏற்ற இறக்கங்கள் காணப்பட்டு வந்தன. பண்டிகை நாட்களில் விலை உயரக்கூடும் என்ற அச்சம் இருந்த நிலையில், இன்றைய விலை சரிவு தங்கம் வாங்க திட்டமிட்டிருப்பவர்களுக்கு ஒரு நல்ல வாய்ப்பாக அமைந்துள்ளது. உலகளாவிய பொருளாதாரச் சூழல் மற்றும் சந்தை முதலீடுகளின் மாற்றங்களே இந்த விலை குறைவிற்கு முக்கியக் காரணம் எனப் பொருளாதார நிபுணர்கள் தெரிவிக்கின்றனர்.
Leave a Reply