ஆர்.எஸ்.புரம் பகுதியில் போதை மாத்திரைகள் விற்பனை செய்யப்படுவதாக போலீஸாருக்கு ரகசியத் தகவல் கிடைத்தது. இதையடுத்து, போலீஸார் அந்தப் பகுதியில் தீவிர கண்காணிப்பில் ஈடுபட்டனர்.
அப்போது சந்தேகத்துக்கிடமான வகையில் நடமாடிய இருவரை பிடித்து விசாரணை மேற்கொண்டனர். அவர்களிடம் நடத்தப்பட்ட சோதனையில் போதை மாத்திரைகள் மற்றும் ஊசி மருந்துகள் இருப்பது தெரியவந்ததாகக் கூறப்படுகிறது.
இதையடுத்து, மாத்திரைகள் மற்றும் ஊசி மருந்துகளை போலீஸார் பறிமுதல் செய்தனர். தொடர்ந்து இருவரையும் கைது செய்து காவல் நிலையத்துக்கு அழைத்துச் சென்று விசாரணை நடத்தினர்.
போதைப் பொருள்கள் எங்கிருந்து பெறப்பட்டன, யாருக்கு விற்பனை செய்யத் திட்டமிட்டிருந்தனர் என்பது குறித்தும் போலீஸார் விசாரணை மேற்கொண்டு வருகின்றனர். மேலும், இந்தச் சம்பவத்தில் தொடர்புடையவர்களைக் கண்டறியும் நடவடிக்கையும் தீவிரப்படுத்தப்பட்டுள்ளது.
Leave a Reply