இன்றைய பரபரப்பான வாழ்க்கைச் சூழலில், ‘உயர் ரத்த அழுத்தம்‘ என்பது வயது வித்தியாசம் இல்லாமல் பலரையும் பாதிக்கும் ஒரு பொதுவான சுகாதாரப் பிரச்சனையாக மாறிவிட்டது. இதனை மருத்துவ உலகம் ஒரு ‘சைலண்ட் கில்லர்’ என்று அழைக்கிறது; ஏனெனில், இது வெளியில் எந்தவொரு பெரிய அறிகுறியையும் காட்டாமல் தமனிச் சுவர்களைப் பாதித்து, பிற்காலத்தில் இதய நோய்கள் அல்லது பக்கவாதம்ஏற்பட வழிவகுக்கும்.
ரத்த அழுத்தம் சற்றே அதிகமாக இருக்கும் ஆரம்பக் கட்டத்திலேயே, மாத்திரைகளைத் தேடி ஓடாமல் நம்முடைய அன்றாட உணவு மற்றும் பழக்கவழக்கங்களில் சில எளிய மாற்றங்களைச் செய்வதன் மூலம் அதனை இயற்கையாகவே கட்டுப்பாட்டிற்குள் கொண்டு வர முடியும்.
ரத்த அழுத்தத்தைக் கட்டுப்படுத்துவதில் நாம் சாப்பிடும் உப்பிற்கு மிக முக்கியப் பங்குண்டு. உடலில் சோடியத்தின் அளவு அதிகரிக்கும் போது, அது ரத்த நாளங்களில் நீர்ச்சத்தைத் தேக்கி வைத்து ரத்த அழுத்தத்தை உயர்த்துகிறது.
உப்பைக் குறையுங்கள்: சமையலில் உப்பின் அளவைக் குறைப்பதோடு மட்டுமல்லாமல், ஊறுகாய், அப்பளம், சிப்ஸ், கருவாடு மற்றும் பதப்படுத்தப்பட்ட பாக்கெட் உணவுகள் போன்ற மறைமுகமாக உப்பு அதிகம் உள்ள உணவுகளை முற்றிலும் தவிர்க்க வேண்டும்.
பொட்டாசியம் சத்தானது உடலில் இருக்கும் அதிகப்படியான சோடியத்தை சிறுநீர் வழியாக வெளியேற்ற உதவும். மேலும் இது ரத்த நாளங்களைத் தளர்த்தி அழுத்தத்தைக் குறைக்கும். வாழைப்பழம், கீரைகள், இளநீர், தக்காளி, உருளைக்கிழங்கு மற்றும் ஆரஞ்சு பழங்கள் ஆகியவற்றில் பொட்டாசியம் நிறைந்துள்ளது.
இதயம் என்பதும் ஒரு தசைதான். உடற்பயிற்சி செய்யும்போது இதயம் வலிமையடைந்து, மிகக் குறைந்த சிரமத்துடன் ரத்தத்தை உடல் முழுவதும் பம்ப் செய்யத் தொடங்கும். இதனால் ரத்த நாளங்களின் மீதான அழுத்தம் குறையும்.வாரத்தில் ஐந்து நாட்களாவது குறைந்தது 30 நிமிடங்கள் விறுவிறுப்பான நடைப்பயிற்சி ஜாக்கிங், சைக்கிள் ஓட்டுதல் அல்லது நீச்சல் போன்ற கார்டியோ பயிற்சிகளைச் செய்வது ரத்த அழுத்தத்தை கணிசமாகக் குறைக்கும் என்று ஆய்வுகள் நிரூபிக்கின்றன.
பூண்டில் இருக்கும் ‘அல்லிசின்’ என்ற கூட்டுப்பொருள், ரத்த நாளங்களை விரிவடையச் செய்து ரத்த ஓட்டத்தைச் சீராக்குகிறது. தினமும் காலையில் ஒன்று அல்லது இரண்டு பற்கள் பச்சை பூண்டை மென்று சாப்பிடுவது நல்லது.
செம்பருத்தி இதழ்களைக் கொண்டு செய்யப்படும் தேநீர், ரத்த அழுத்தத்தைக் குறைப்பதில் ஆன்டி-ஹைபர்டென்சிவ் மருந்துகளுக்கு இணையாகச் செயல்படுவதாகப் பல மருத்துவ ஆய்வுகள் குறிப்பிடுகின்றன.
டார்க் சாக்லேட்டில் இருக்கும் ஃபிளாவனால்கள்ரத்த நாளங்களின் நெகிழ்வுத்தன்மையை அதிகரிக்கின்றன. 70% மேல் கோகோ உள்ள டார்க் சாக்லேட்டை சிறிய அளவில் சாப்பிடலாம்.
Leave a Reply