தூய்மை பணி தனியார் வசம் குறித்து முதல்வரிடம் பேசுவேன் – கமல்ஹாசன் பேட்டி

சென்னை விமான நிலையத்தில் செய்தியாளர்களிடம் பேசிய மக்கள் நீதி மய்யம் கட்சித் தலைவர் மற்றும் நாடாளுமன்ற உறுப்பினர் கமல்ஹாசன், தூய்மை பணிகளை தனியாரிடம் ஒப்படைக்கும் அரசின் முயற்சி குறித்து தனது வேமொத்தமான எதிர்ப்பை தெரிவித்தார். இது தொடர்பாக தமிழக முதல்வர் மு.க. ஸ்டாலினிடம் நேரடியாக பேச்சுவார்த்தை நடத்தப் போவதாகவும் தெரிவித்தார்.

“தூய்மை பணி தனியார் வசம் செல்லும் இந்த முடிவு மிக முக்கியமானது. இதுபற்றி நிதானமாக பேச முடியாது. அவசரமாக நல்ல முடிவை எடுக்க வேண்டும். என் குரல் தொடர்ந்து ஒலிக்கிறது. முதலமைச்சரிடம் இந்த விவகாரத்தை எடுத்துச் செல்லுவேன்” என்று கூறியுள்ளார்.

அதேவேளை, விடுதலைச் சிறுத்தைகள் கட்சித் தலைவர் திருமாவளவனின் தாயார் மறைவுக்கு தனது ஆழ்ந்த இரங்கலை தெரிவித்த கமல்ஹாசன், “அவர் தாயார் மறைந்தது குறித்து விழாவின்போது வெளிக்கொணரவில்லை. துயரத்தை மறைத்துக்கொண்டு விழாவில் கலந்துகொண்டது ஒரு தலைவருக்குரிய பண்பு” என்றார்.

இதைத் தொடர்ந்து, சேலத்தில் நடைபெற்ற விழாவில் நேரில் பங்கேற்க முடியாமல், தனது உரையை ஒலிப்பதிவாக அனுப்பியிருப்பதைச் சொல்லியுள்ளார்.

தூய்மை பணியாளர்களின் நலன் குறித்து எப்போதும் சமூக அக்கறை கொண்டுக் காணப்படும் கமல்ஹாசனின் இந்தக் கருத்துகள், அரசியல் சூழலில் புதிய கவனத்தை ஏற்படுத்தியுள்ளன.