இலங்கை கடற்படையினரால் கைது செய்யப்பட்ட தமிழக மீனவர்கள் மற்றும் அவர்களது படகுகளை உடனடியாக விடுவிக்க நடவடிக்கை எடுக்கக் கோரி, தமிழக முதல்வர் மு.க. ஸ்டாலின், மத்திய வெளியுறவுத்துறை அமைச்சர் எஸ். ஜெய்சங்கருக்கு கடிதம் எழுதியுள்ளார்.
அந்த கடிதத்தில்,
“இலங்கைக் கடற்படையினரால் நேற்று அதிகாலை 14 தமிழக மீனவர்கள், ஒரு இயந்திரமயமான மீன்பிடிப் படகு மற்றும் பதிவு செய்யப்படாத நாட்டுப்படகுடன் கைது செய்யப்பட்டுள்ளனர். இது 2025ஆம் ஆண்டில் நடைபெறும் 17வது கைது சம்பவமாகும். தற்போது, 80 தமிழக மீனவர்கள் மற்றும் 237 படகுகள் இலங்கை அதிகாரிகளின் கட்டுப்பாட்டில் உள்ளன.
தமிழக மீனவர்கள் மீன்பிடி பாரம்பரியத்தை இழந்து, வாழ்வாதாரத்தைக் கொஞ்சமும் இழந்து வருகிறார்கள். இதுபோன்ற கைது நடவடிக்கைகளை முற்றுப்படுத்த, மத்திய அரசு இலங்கையுடன் தூதரக ரீதியான கைகோர்க்க வேண்டியது அவசியம்” எனக் கூறியுள்ளார்.
இவற்றை மத்திய அரசின் கவனத்திற்கு கொண்டு வந்து, தமிழக மீனவர்களையும் அவர்களது படகுகளையும் விரைவில் விடுவிக்க உடனடி நடவடிக்கை எடுக்க வேண்டும் எனவும், முதல்வர் மு.க. ஸ்டாலின் வலியுறுத்தியுள்ளார்.
Leave a Reply