கோவை குனியமுத்தூர் பகுதியில் கடந்த சில நாட்களாக மக்களை அச்சுறுத்தி வந்த முகமூடி கொள்ளையனை போலீசார் கைது செய்து சிறையில் அடைத்துள்ளனர். இந்த கைது, மக்களிடையே ஏற்பட்டிருந்த பதற்றத்தை குறைத்துள்ளது.
கோவைப்புதூர் பகுதியைச் சேர்ந்த 75 வயதான சாமுவேல்ராஜ் என்பவரது வீட்டில் இருந்து 10 பவுன் தங்க நகைகள் மற்றும் ரூ.5,000 பணம், மேலும் சுண்டக்காமுத்தூர் பகுதியை சேர்ந்த சதீஸ் என்பவர் கோவைப்புதூரில் நடத்தி வரும் மளிகைக் கடையில் இருந்த ரூ.34,000 ஆகியவை கடந்த 10ம் தேதி திருடப்பட்டன. திருடனாக இருந்தவர் முகமூடி அணிந்து, மங்கி குல்லா அணிந்த நிலையில், கண்மறிவில் கொள்ளையிட்டு சென்றார்.
இவரது செயல் சிசிடிவி காட்சியில் பதிவாகியிருந்தது. இந்தக் காட்சிகள் சமூக வலைதளங்களில் வேகமாக பரவியது. இதனால், அந்தப் பகுதியில் உள்ள பொதுமக்களில் பெரும் பயம் ஏற்பட்டது. அதன்பின்னர், குனியமுத்தூர் போலீசார் தீவிரமாக விசாரணை மேற்கொண்டு, முகமூடி கொள்ளையனை தேடத் தொடங்கினர்.
அதன் முடிவாக, நேற்று முன்தினம் போலீசார் அந்த கொள்ளையனை கைது செய்தனர். விசாரணையில் அவர் சென்னையை சேர்ந்த முத்துகிருஷ்ணன் (36) என்றும், தற்போது கோவையில் கணபதி சதுர்வேதி பகுதியில் தங்கி, முகமூடி அணிந்து கொள்ளைகளில் ஈடுபட்டு வந்ததும் தெரியவந்தது.
அவரிடம் இருந்து, உருக்கி வைத்த 30 கிராம் தங்கம் மற்றும் ரூ.14,000 பணம் மீட்கப்பட்டன. தொடர்ந்து, அவரை போலீசார் நீதிமன்றத்தில் ஆஜர்படுத்தி சிறையில் அடைத்தனர்.
Leave a Reply