31 வயதில் கொலை: ஏஐ தொழில்நுட்பம் மூலமாக 63 வயதில் சிக்கியது எப்படி ?
சென்னை, ஏப். 24: அரக்கோணத்தில் 1994ஆம் ஆண்டு நடைபெற்ற பெண் கொலை வழக்கில், கடந்த 31 ஆண்டுகளாக தலைமறைவாக இருந்த பாஸ்கர் ஜோதி கோகோய் என்பவரை போலீசார் கைது செய்தனர். இந்த நடவடிக்கையில் மனித நுண்ணறிவு, வாக்காளர் பட்டியல் ஆய்வு மற்றும் செயற்கை நுண்ணறிவு தொழில்நுட்பம் முக்கிய பங்கு வகித்தன.
அரக்கோணம் துணை காவல் பிரிவின் துணைக் காவல் கண்காணிப்பாளர் ஜாபர் சித்திக், நிலுவையில் உள்ள பழைய வழக்குகளை மறுபரிசீலனை செய்த போது, 1994-இல் நடந்த கொலை வழக்கில் ஒருவரை இன்னும் கைது செய்யவில்லை என கண்டறிந்தார். இதையடுத்து அவர், அரக்கோணம் நகர ஆய்வாளர் தங்க குருநாதன் தலைமையில் சிறப்புப் படை ஒன்றை அமைத்து, விசாரணையைத் தொடங்கினார்.
கொலைக்குக் காரணமான குடும்ப தகராறு
விசாரணையில், மகாராஷ்டிராவைச் சேர்ந்த சவுத்ரி என்பவர் தனது மனைவி ஜெயஸ்ரீயுடன் ஏற்பட்ட பிரச்னையால், இந்தியக் கடற்படையில் பணியாற்றிய பாஸ்கர் ஜோதி கோகோயுடன் சேர்ந்து கொலை திட்டம் வகுத்தது தெரியவந்தது. இருவரும் 1994-ஆம் ஆண்டு ஜெயஸ்ரீ மீது மண்ணெண்ணெய் ஊற்றி எரித்துத் துனிகை செய்தனர். பின்னர், சவுத்ரி தற்கொலையென போலீசில் புகார் அளித்திருந்தார்.
விசாரணையில், இது ஒரு திட்டமிட்ட கொலை என தெரியவந்தது. சவுத்ரி கைது செய்யப்பட்டார். ஆனால், கோகோய் அப்போது தப்பித்து ஓடினார்.
தகவலுக்குக் கைகொடுத்த வாக்காளர் பட்டியல்
அசாமைச் சேர்ந்த கோகோயை அடையாளம் காண, போலீசார் 15 லட்சம் வாக்காளர்களின் பட்டியலை ஸ்கேன் செய்தனர். இதில் ‘பாஸ்கர் ஜோதி’ என்ற பெயரில் இருந்த 1,500 பேரின் முகவரிகளை ஒப்பிட்டு narrowing செய்தபோது, குற்றவாளி திப்ருகர் மாவட்டத்தைச் சேர்ந்தவர் என உறுதி செய்யப்பட்டது.
அவரது தற்போதைய தோற்றத்தை அறிய, 21 வயதில் எடுத்த புகைப்படத்தை அடிப்படையாகக் கொண்டு செயற்கை நுண்ணறிவு மூலம் தற்போதைய உருவத்தை உருவாக்கி, தேடல் விரிவாக்கப்பட்டது.
அறிகுறி AI – முடிவில் கைது
இத்தகவலின் அடிப்படையில் திப்ருகர் முழுவதும் விசாரணை மேற்கொண்ட போலீசார், ஒரு பயிற்சியாளராக பணியாற்றிய கோகோயை கண்டுபிடித்து கைது செய்தனர். பின்னர், அசாமிலுள்ள நீதிமன்றத்தில் அவரை ஆஜர்படுத்தி, தமிழ்நாட்டிற்கு கொண்டு வந்தனர்.
தற்போது அவர் அரக்கோணம் காவல் நிலையத்தில் விசாரணை நடைப்பெற்று வருகிறது.
Leave a Reply