விவசாய துறையின் விரைவான வளர்ச்சிக்கும், விவசாயிகளின் நலனுக்கும் புதிய ஊக்கம் அளிக்கும் வகையில் பிரதமர் நரேந்திர மோடி இரண்டு முக்கியமான திட்டங்களை இன்று டெல்லியில் தொடங்கி வைத்தார்.
இந்த விழா இந்திய வேளாண் ஆராய்ச்சி நிலையத்தில் (IARI) நடைபெற்றது. மொத்தம் ₹35,440 கோடி மதிப்பீட்டில் மத்திய அரசு இரண்டு புதிய வேளாண்மைத் திட்டங்களை அறிமுகப்படுத்தியுள்ளது —
-
தன்தான்யா கிரிஷி யோஜனா (₹24,000 கோடி)
-
ஆத்ம நிர்பார்தா திட்டம் (₹11,440 கோடி)
இந்த திட்டங்கள் விவசாயம், கால்நடை வளர்ப்பு, மீன்வளம், உணவு பதப்படுத்தல் மற்றும் விவசாய உற்பத்தி திறன் மேம்பாட்டில் முக்கிய பங்காற்றவுள்ளன. மேலும்,
-
பருப்பு வகை உற்பத்தி அதிகரித்தல்
-
சாகுபடி பரப்பளவை விரிவுபடுத்தல்
-
அறுவடைக்கு பிந்தைய இழப்புகளை குறைத்தல்
-
நீண்டகால மற்றும் குறுகியகால கடனுதவி எளிமைப்படுத்தல்
என்ற பல நடவடிக்கைகள் 100 மாவட்டங்களில் முதல் கட்டமாக அமல்படுத்தப்படவுள்ளன.
விழாவில் பிரதமர் மோடி ₹815 கோடி மதிப்பிலான புதிய திட்டங்களுக்கு அடிக்கல் நாட்டினார். அதோடு ₹5,450 கோடிக்கும் மேற்பட்ட வேளாண் மற்றும் இணைந்த துறைகளுக்கான புதிய திட்டங்களையும் தொடங்கி வைத்தார்.
நிகழ்வில் பிரதமர் விவசாயிகளுடன் நேரடியாக கலந்துரையாடி, அவர்களின் கருத்துக்களையும் கோரிக்கைகளையும் கேட்டறிந்தார்.
Leave a Reply