கடந்த ஆண்டு வெளியான மகாராஜா திரைப்படம், விஜய் சேதுபதி நடிப்பில் ரசிகர்களிடையே பெரும் வரவேற்பை பெற்றது. இயக்குநர் நித்திலன் சுவாமிநாதன் தன் முதல் படம் இது, உலகம் முழுவதும் நல்ல பாராட்டுகளை பெற்றார். படத்தில் அனுராக் காஷ்யப், மம்தா மோகன்தாஸ், நட்டி, முனிஷ்காந்த், சிங்கம் புலி, பாரதிராஜா, வினோத் சாகர், பி. எல்.தேனப்பன் என பல பிரபலங்கள் முக்கிய கதாபாத்திரங்களில் நடித்தனர். இந்தியா மட்டுமல்லாமல், சீனா உள்ளிட்ட பல நாடுகளில் இப்படத்திற்கு நல்ல வரவேற்பு கிடைத்தது.
இப்போது, இந்த வெற்றியின் தொடர்ச்சியாக, மகாராஜா படத்தின் இரண்டாம் பாகம் உருவாக உள்ளதாக செய்திகள் வெளியாகியுள்ளன. இயக்குநர் நித்திலன் சுவாமிநாதன் சமீபத்தில் விஜய் சேதுபதியிடம் மகாராஜா 2 படத்தின் கதையை பகிர்ந்துள்ளதாக தகவல் கிடைத்துள்ளது. மேலும், நித்திலன் சுவாமிநாதன் இந்த படத்துக்கான ஸ்கிரிப்ட் பணிகளை மேற்கொண்டு வருவதாகவும் கூறப்படுகிறது.
விஜய் சேதுபதி ‘ஏஸ்’ மற்றும் ‘டிரெயின்’ போன்ற படங்களில் நடித்து முடித்துள்ள நிலையில், தற்போது அவர் இயக்குநர்கள் பாண்டியராஜ் மற்றும் பூரி ஜெகன்நாத் ஆகியோரின் அடுத்த படங்களில் நடிக்க ஒப்பந்தமாகியுள்ளார். மகாராஜா 2 படத்தில் நடிப்பதற்கு முன், இந்த படங்களை முடித்து, அடுத்த நிலையில் மகாராஜா 2 -க்கு அவரது பங்காற்றுவதாக எதிர்பார்க்கப்படுகிறது.
Leave a Reply