ஜிஎஸ்டி வரி கட்டமைப்பில் மிகப்பெரிய மாற்றம் வரவுள்ளதாக மத்திய அரசு திட்டமிட்டுள்ளது. இதன் கீழ், தற்போது 28% ஜிஎஸ்டி வரி விதிக்கப்படும் பெரும்பாலான பொருட்களுக்கு, வரி விகிதம் 18% ஆக குறைக்கப்பட உள்ளதாக தகவல்கள் வெளியாகியுள்ளன.
இந்த சீர்திருத்தம் குறித்து பிரதமர் நரேந்திர மோடி, அண்மையில் சுதந்திர தின உரையில், “இது மக்களுக்கு தீபாவளி பரிசாக இருக்கும்” எனக் கூறினார். இதன் மூலம் சிறு வியாபாரிகள், பொதுமக்கள் மற்றும் வாடிக்கையாளர்களுக்கு ஏற்ற வகையில் மறுசீரமைக்கப்பட்ட ஜிஎஸ்டி வரி முறை அமலுக்கு வர உள்ளது.
புதிய திட்டப்படி, ஜிஎஸ்டி வரி அமைப்பு இரண்டு முக்கிய பிரிவுகளாக சீர்திருத்தம் செய்யப்படுகிறது:
-
மக்கள் அதிகம் பயன்படுத்தும் பொருட்களுக்கு 5% ஜிஎஸ்டி
-
பெரும்பாலான பிற பொருட்களுக்கு 18% ஜிஎஸ்டி
இதற்கு மேல், ஆடம்பரப் பொருட்கள் மற்றும் சில ஒதுக்கப்பட்ட பொருட்கள் மீது 40% வரையிலான உயர்வருமான ஜிஎஸ்டி விதிக்கப்படலாம் என தகவல்கள் தெரிவிக்கின்றன.
2017 ஆம் ஆண்டு ஜிஎஸ்டி வரி முறைக்கு பிறகு, இது வரையில் 5%, 12%, 18%, 28% என நான்கு கட்டங்களில் வரி வசூலிக்கப்பட்டு வந்த நிலையில், புதிய திட்டத்தில் 12% மற்றும் 28% தரவுகளை நீக்கி, பொதுமக்களுக்கு தெளிவான இரு நிலைகளில் வரி வசூலிக்க மத்திய அரசு திட்டமிட்டுள்ளது.
இந்த மாற்றம் பொருளாதார வளர்ச்சி மற்றும் வரி சேமிப்புக்காக முக்கியமான ஒரு முன்னேற்றமாக பார்க்கப்படுகிறது.
Leave a Reply