கோவை பா.ஜ.க. புதிய தலைவராக ரமேஷ் குமார் பதவியேற்பு

பாரதிய ஜனதா கட்சியின் கோவை மாநகர் மாவட்டத்தின் புதிய தலைவராக ரமேஷ் குமார் மத்திய இணை அமைச்சர் எல்.முருகன் முன்னிலையில் பதவி ஏற்றுக்கொண்டார்.
பாரதிய ஜனதா கட்சியின் கோவை மாநகர் மாவட்டத்தின் புதிய தலைவராக ரமேஷ் குமார் மத்திய இணை அமைச்சர் எல்.முருகன் முன்னிலையில் பதவி ஏற்றுக்கொண்டார்.
பாஜக-வின் கோவை மாவட்ட தலைவராக இருந்த பாலாஜி உத்தமராமசாமி உடல் நிலை காரணமாக தனது பதவியை ராஜினாமா செய்ததை அடுத்து மாவட்ட பொதுச் செயலாளராக இருந்த ரமேஷ் குமாரை கோவை மாவட்ட தலைவராக நியமித்து அக்கட்சியின் மாநில தலைவர் அண்ணாமலை அறிவித்திருந்தார்.
இதையடுத்து ரமேஷ் குமார் பதவியேற்பு விழா கோவை சித்தாபுதூர் அருள்மிகு ஐயப்பன் கோயில் மண்டபத்தில் நடைபெற்றது.
மாநில பொதுச் செயலாளர் ஏ.பி.முருகானந்தம் தலைமையில் நடைபெற்ற இந்த விழாவில் சிறப்பு விருந்தினராக பங்கேற்ற மத்திய இணை அமைச்சர் எல் முருகன் புதிய மாவட்ட தலைவர் ரமேஷ் குமாருக்கு வாழ்த்து தெரிவித்தார். ஆர்.எஸ்.எஸ் அமைப்பை சேர்ந்த ரமேஷ் குமார் 4 முறை கோவை மாநகர மாவட்ட பாரதி ஜனதா கட்சியின் பொதுச்செயலாளராக பணியாற்றியவர் என்பது குறிப்பிடத்தக்கது. இந்நிகழ்ச்சியில், முன்னாள் மாவட்ட தலைவர் பாலாஜி உத்தமராமசாமி, மாநில துணை பொது செயலாளர் கனகசபாபதி, மதன், நந்தகுமார், முன்னாள் கவுன்சிலர் ஏ.டி.ராஜன், கோமதி ராஜன், ஜெயலெட்சுமி, பாலசுப்பிரமணியம், விஜயா ரவி, கோவை புறநகர மாவட்டத் தலைவர் வசந்தராஜ், ஜி.கே.செல்வகுமார். கோவை குட்டி, கணேஷ், சுதாகர் உள்ளிட்ட முக்கிய நிர்வாகிகள், தொண்டர்கள் கலந்துக் கொண்டனர்.