கோவை சர்வதேச விமான நிலையத்தை 632.95 ஏக்கர் பரப்பளவில் விரிவாக்கம் செய்யும் திட்டத்தின் கீழ், தமிழக அரசு கடந்த ஆண்டு ஆகஸ்ட் மாதத்தில் எந்தவித நிபந்தனையும் இல்லாமல் இந்திய விமான நிலைய ஆணையத்திடம் நிலங்களை ஒப்படைத்தது.
இந்நிலையில், விரிவாக்க பணிகள் மேற்கொள்ளப்பட உள்ள பகுதிக்கு அருகில் உள்ள மேலும் 12 ஏக்கர் நிலம் தேவையாக உள்ளது என இந்திய விமான நிலைய ஆணையம் தற்போது அரசிடம் கோரிக்கை விடுத்துள்ளதாக தகவல் வெளியாகியுள்ளது. இந்த கோரிக்கையை தமிழக அரசு இன்னும் ஏற்கவில்லை என்றும், இதுவரை எந்தவொரு முடிவும் எடுக்கப்படவில்லை என்றும் அரசு வட்டாரங்கள் தெரிவித்துள்ளன.
தற்போது வரை, தமிழக அரசு ஆணையத்திடம் 451.74 ஏக்கர் பட்டா நிலமும், 20.58 ஏக்கர் புறம்போக்கு நிலமும் உள்பட பணிகளை தொடங்க அனுமதித்துள்ளது. மேலும், 15 ஏக்கர் நிலம் இருவார காலத்தில் வழங்கும் வகையில் வருவாய்துறை நடவடிக்கையில் ஈடுபட்டுள்ளது.
மேலும், 134.32 ஏக்கர் பாதுகாப்பு நிலமும் இந்திய விமான நிலைய ஆணையத்திடம் வழங்கப்பட்டுள்ளது. இப்பகுதி பாதுகாப்பு நிலமாக இருப்பதால், மீதமுள்ள பகுதிகள் தொடர்பான உரிமைகள் மற்றும் ஒப்படைப்பு நடைமுறைகள் தொடருவதாக தெரிவிக்கப்படுகிறது.
இதுகூடாது, 8 ஏக்கர் பட்டா நிலம், நீதிமன்ற வழக்கு நிலுவையில் உள்ளதால் இதுவரை வழங்கப்படவில்லை. வழக்கு முடிந்த பின்னர் அந்த நிலமும் ஆணையத்திடம் ஒப்படைக்கப்படும் என அதிகாரிகள் தெரிவித்துள்ளனர்.
விமான நிலைய விரிவாக்கத்திற்கான ஆரம்ப கட்ட பணிகள் தொடர்பாக, இந்திய விமான நிலைய ஆணையம் ஏற்கனவே டெண்டர்கள் கோரியுள்ளது. விரிவாக்கம் தொடர்பான முக்கிய கட்டுமான பணிகள் வரும் நாட்களில் தொடங்கப்படும் என எதிர்பார்க்கப்படுகிறது.
இத்திட்டம் நிறைவேறினால், கோவை விமான நிலையத்தின் இயல்புகளும், பரிசோத னைகள் மற்றும் சர்வதேச விமான சேவைகளும் பெரிதும் மேம்படும் என எதிர்பார்க்கப்படுகிறது.
கோவை சர்வதேச விமான நிலையம் விரிவாக்கம் மேலும் 12 ஏக்கர் நிலம் அரசிடம் கோரிக்கை
Leave a Reply