கோவை மாநகர காவல் துறையின் அறிவிப்பின் படி, கோனியம்மன் கோவில் தேர்திருவிழா நாளை (05.03.2025) நடைபெறவுள்ளதால், நகரில் சில முக்கிய போக்குவரத்து மாற்றங்கள் அமல்படுத்தப்படுகின்றன.
மாற்றப்பட்ட போக்குவரத்து திட்டம்:
பேரூரிலிருந்து நகருக்குள் வரும் வாகனங்கள் – செல்வபுரம், பேரூர் பைபாஸ் ரோடு வழியாக உக்கடம் செல்லலாம்.
வைசியாள் வீதி வழியாக பேரூருக்கு செல்லும் வாகனங்கள் – உக்கடம், பேரூர் பைபாஸ் ரோடு, சிவாலயா சந்திப்பு வழியாக பேரூர் ரோட்டுக்குச் செல்ல வேண்டும்.
மருதமலை ரோடு, தடாகம் ரோட்டில் இருந்து தெலுங்கு வீதி வழியாக செல்லும் வாகனங்களுக்கு தடை – மாற்றாக, காந்திபார்க், பொன்னையராஜபுரம், சொக்கம்புதூர், ராமமூர்த்தி சாலை, சிவாலயா சந்திப்பு, அசோக் நகர் ரவுண்டானா வழியாக செல்லலாம்.
உக்கடத்திலிருந்து, ஒப்பணக்கார வீதி வழியாக தடாகம், மேட்டுப்பாளையம், மருதமலை சாலைகள் செல்லும் வாகனங்கள் – பேரூர் பைபாஸ் ரோடு, சிவாலயா சந்திப்பு, சொக்கம்புதூர், பொன்னையராஜபுரம் வழியாக செல்லலாம்.
சுக்கிரவார்பேட்டையில் இருந்து தியாகி குமரன் வீதி வழியாக ராஜவீதிக்கு வாகனங்கள் செல்ல தடை செய்யப்பட்டுள்ளது.
கனரக மற்றும் சரக்கு வாகனங்கள் – நாளை காலை 8:00 மணி முதல் இரவு 10:00 மணி வரை நகருக்குள் செல்ல அனுமதி இல்லை.
தேர்திருவிழா நடைபெறும் பகுதிகளில் வாகன நிறுத்தம் தடை – ராஜவீதி, ஒப்பணக்கார வீதி, வைசியாள் வீதி, கே.ஜி. வீதி உள்ளிட்ட சாலைகளில் வாகனங்கள் நிறுத்த அனுமதி இல்லை.
கோவை மாநகர காவல் துறை, இந்த மாற்றங்களைப் பொதுமக்கள் கவனித்து, அவற்றைப் பின்பற்றுமாறு கேட்டுக்கொண்டுள்ளது.
Leave a Reply