கோவை கங்கா மருத்துவமனையின் டாக்டர் ராஜா சபாபதி சர்வதேச கை அறுவை சிகிச்சை சங்கத்தின் தலைவராக பொறுப்பேற்பு

இதற்கு முன்பு, டாக்டர் ராஜா சபாபதி ஆசிய பசிபிக் கை அறுவை சிகிச்சை சங்கங்களின் தலைவராகவும், இந்திய பிளாஸ்டிக், கை, நுண் அறுவை சிகிச்சை மற்றும் தீக்காய சிகிச்சை சங்கங்களின் தலைவராகவும் இருந்துள்ளார். அவரது தலைமையில், கோவை கங்கா மருத்துவமனை பிளாஸ்டிக் அறுவை சிகிச்சை துறையில் உலகளாவிய பயிற்சி மையமாக உயர்ந்துள்ளது.
அவருடைய முன்னணி சாதனைகளுக்கு அங்கீகாரமாக, கிளாஸ்கோ மற்றும் இங்கிலாந்தின் ராயல் காலேஜ் ஆஃப் சர்ஜன்ஸ் மற்றும் அமெரிக்கன் காலேஜ் ஆஃப் சர்ஜன்ஸில் கௌரவ பெல்லோஷிப் வழங்கப்பட்டுள்ளது. உலகளவில் வெறும் 15 பிளாஸ்டிக் அறுவை சிகிச்சை நிபுணர்களுக்கு மட்டுமே கிடைத்துள்ள அமெரிக்கன் காலேஜ் ஆஃப் சர்ஜன்ஸ் அங்கீகாரத்தைப் பெற்றிருப்பது அவரது திறமைக்கு எடுத்துக்காட்டாக அமைகிறது.
இதைத் தொடர்ந்து, பிரிட்டிஷ், தென்னாப்பிரிக்க கை அறுவை சிகிச்சை சங்கங்களும், செர்பிய நுண் அறுவை சிகிச்சை சங்கமும் அவருக்கு கௌரவ உறுப்பினர் பதவியை வழங்கியுள்ளன.