கோவை அருகே வாளையாறு சோதனைச் சாவடியில், உரிய ஆவணங்கள் இல்லாமல் இருசக்கர வாகனத்தில் கடத்தப்பட்ட ரூ.60 லட்சம் ஹவாலா பணம் பறிமுதல் செய்யப்பட்டது. இந்த சம்பவத்தில் இரண்டு பேர் கைது செய்யப்பட்டுள்ளனர்.
கோவையிலிருந்து கேரளாவை நோக்கி சென்று கொண்டிருந்த ஒரு இருசக்கர வாகனம் வழக்கமான சோதனைக்காக போலீசால் நிறுத்தப்பட்டது. அதனைத் தொடர்ந்து நடந்த சோதனையில், வாகனத்தில் கட்டுக்கட்டாக இருந்த பணம் கண்ணில் பட்டது. மேலும், வாகனம் ஓட்டி வந்த ரதீஷ் (வயது 40) மற்றும் அவருடன் இருந்த மகாராஷ்டிராவைச் சேர்ந்த சுனில் சிவாஜி ஆகிய இருவரின் உடையிலும் பணம் ஒளித்து வைத்திருந்தது கண்டுபிடிக்கப்பட்டது.
சோதனை முடிவில், இருவரிடமும் மொத்தமாக ரூ.60 லட்சம் பணம் பறிமுதல் செய்யப்பட்டது. அவர்கள் யாரிடம் இருந்து இந்த பணத்தை பெற்றனர், எதற்காக கொண்டு சென்றனர் என்பதற்கான எந்தவொரு உரிய ஆவணங்களும் காணப்படவில்லை.
இதையடுத்து, போலீசார் இருவரையும் கைது செய்து, அவர்களிடம் தீவிர விசாரணை நடத்தி வருகின்றனர். சம்பவம் குறித்து வருமானவரி மற்றும் தனித்துறைகளுக்கும் தகவல் வழங்கப்பட்டுள்ளதாகத் தெரிவிக்கப்பட்டுள்ளது.
Leave a Reply