​கோவையில் 64-வது தேசிய மருந்தியல் வார தொடக்க விழா

64-வது தேசிய மருந்தியல் வாரம் இந்திய மருந்தியல் சங்கம் – தமிழ்நாடு கிளை, தமிழ்நாடு மருந்தியல் நல அறக்கட்டளை மற்றும் கோயம்புத்தூர் கிளை ஆகியவற்றின் இணை ஏற்பாட்டில், நவம்பர் 14, 2025 அன்று கோயம்புத்தூர் ஸ்ரீ ராமகிருஷ்ணா மருந்தியல் கல்லூரியில் தொடங்கப்பட்டது.

ஐபிஏ-தமிழ்நாடு தலைவர் ஜே. ஜெயசீலன் வரவேற்புரை வழங்கினார். சுந்தர் ராமகிருஷ்ணன், எஸ்.என்.ஆர் சன்ஸ் அறக்கட்டளையின் நிர்வாக அறங்காவலர் விழாவுக்கு தலைமை தாங்கினார்.
தமிழ்நாடு மருந்தியல் நல அறக்கட்டளை தலைவர் முனைவர் எஸ்.வி. வீரமணி சிறப்பு விருந்தினராக கலந்து கொண்டார்.

கல்லூரி முதல்வர் முனைவர் எஸ். ஸ்ரீராம், இந்த ஆண்டின் கருப்பொருள் “Pharmacists as Advocates of Vaccination” குறித்து உரையாற்றினார்.  ஐபிஏ-கோயம்புத்தூர் கிளை தலைவர் முனைவர் எம். ராமநாதன், முனைவர் டி.கே. ரவியின் மரபை நினைவுகூர்ந்து ​பேசினார். முனைவர் பி. சுரேஷ், ஜே.எஸ்.எஸ் பல்கலைக்கழக துணைவேந்தர், டி.கே. ரவி நினைவு சொற்பொழிவை வழங்கினார்.

விழாவில் பல்வேறு ஐபிஏ விருதுகள் மற்றும் தமிழ்நாடு மருந்தியல் நல அறக்கட்டளையின் கல்வி ஊக்கப் பரிசுகள் வழங்கப்பட்டன.  ஐபிஏ-தமிழ்நாடு செயலாளர் திரு. ராஜேஷ் எச். பண்டாரி நன்றியுரை வழங்கினார். கோவை மற்றும் சுற்றுவட்டாரப் பகுதிகளில் இருந்து சுமார் 700 பேர் கலந்து கொண்டனர்.