கே.எம்.சி.ஹெச் மருத்துவமனைக்கு சிறப்பான மருத்துவ சேவைக்காக 8 விருதுகள்

பிரபல தேசிய ஆங்கில பத்திரிகையான பைனான்சியல் எக்ஸ்பிரஸ் கேஎம்சிஎச் மருத்துவமனைக்கு பல்வேறு மருத்துவப் பிரிவுகளின் கீழ் 8 விருதுகளை அளித்துள்ளது.
பைனான்சியல் எக்ஸ்பிரஸ் சார்பில் ஹெல்த்கேர் அவார்டு 2024 விருது வழங்கும் நிகழ்ச்சி புதுடெல்லியில் நடைபெற்றது. இதில் கேஎம்சிஹெச் மருத்துவமனை 8 விருதுகளை வென்று சாதனை படைத்துள்ளது. அவசரகால மருத்துவத்தில் சிறந்த மருத்துவமனை, இருதய மருத்துவத்தில் சிறந்த மருத்துவமனை, புற்றுநோய் மருத்துவத்தில் சிறந்த மருத்துவமனை, மகளிர் நலம் மற்றும் மகப்பேறு மருத்துவத்தில் சிறந்த மருத்துவமனை, நரம்பியல் மருத்துவத்தில் சிறந்த மருத்துவமனை, சிறுநீரக மருத்துவத்தில் சிறந்த மருத்துவமனை மற்றும் காது-மூக்கு-தொண்டை மருத்துவத்தில் சிறந்த மருத்துவமனை என மொத்தம் 8 பிரிவுகளில் விருதுகள் வழங்கப்பட்டன.
கேஎம்சிஎச் தலைவர் மற்றும் நிர்வாக இயக்குனர் மருத்துவர் நல்ல ஜி பழனிசாமி இதுபற்றி குறிப்பிடுகையில், “குறிப்பிடத்தக்க இந்த சாதனைக்காக கேஎம்சிஎச்-ல் பணியாற்றும் அனைவரும் பெருமைப்படுகிறோம். மேலும் சிறந்த முறையில் செயல்பட்டு சிறப்பான மருத்துவ சேவைகள் அளித்திட இதுபோன்ற அங்கீகாரம் பெரிதும் ஊக்கமளிக்கிறது. இந்த சாதனையை நிகழ்த்துவதற்கு உறுதுணையாய் விளங்கிய கேஎம்சிஹெச் குழுவினருக்கு நான் மனமார்ந்த நன்றிகளையும் பாராட்டுதல்களையும் தெரிவித்துக் கொள்கிறேன்” என்று கூறினார்.
பைனான்சியல் எக்ஸ்பிரஸ் ஹெல்த்கேர் அவார்டு விருது வழங்கும் நிகழ்ச்சி புதுடெல்லியில் நடைபெற்றது. கேஎம்சிஎச் மருத்துவமனை சார்பில் மார்க்கெட்டிங் துறை மூத்த துணைத் தலைவர் ஆர். நாராயணன், விருதுகளை பெற்று கொண்டார். பைனான்சியல் எக்ஸ்பிரஸ் டிஜிட்டல் உதவி ஆசிரியர் குமார் சர்மா, டிஹெச் ஹெல்த்கேர் அண்டு லைஃப் சயன்சஸ் துணைத் தலைவர் ஆனந்த் கரத், மற்றும் பைனான்சியல் எக்ஸ்பிரஸ் டிஜிட்டல் ஆசிரியர் ரோஷன் பூவையா ஆகியோர் விருதுகளை வழங்கினர்.