சூப்பர் ஸ்டார் ரஜினிகாந்த் நடித்தும், லோகேஷ் கனகராஜ் இயக்கியும், கலாநிதி மாறன் தயாரித்தும் உருவான, பெரும் எதிர்பார்ப்பை ஏற்படுத்திய கூலி திரைப்படம் இன்று உலகம் முழுவதும் வெளியாகியுள்ளது.
அனிருத் ரவிச்சந்திரன் இசையமைத்த இந்த படத்தில், நாகார்ஜுனா, சௌபின் ஷஹீர், உபேந்திரா, ஸ்ருதிஹாசன், சத்யராஜ் உள்ளிட்டோர் நடித்துள்ளதுடன், அமீர்கான் சிறப்பு தோற்றத்தில் நடித்துள்ளார். ரஜினிகாந்தின் 50 ஆண்டுகள் திரையுலகப் பயணத்தை நினைவுகூறும் விதமாக, படம் ஒரு சிறப்பு தலைப்புடன் தொடங்குகிறது.
கோவையின் பல திரையரங்குகளில் இன்று காலை முதல் காட்சியிலிருந்தே ரசிகர்கள் பெருமளவில் திரண்டனர். பல இடங்களில் பட்டாசு வெடித்தும், பால் அபிஷேகம் செய்தும், ஜமாப் அடித்தும், நடனம் ஆடியும் ரசிகர்கள் கொண்டாடினர். முதல் நாள், முதல் காட்சிக்கான டிக்கெட்டுகள் முன்பே விற்றுப்போனதால், திரையரங்குகளின் முன் நீண்ட வரிசையில் ரசிகர்கள் காத்திருந்தனர்.
கூலி வெளியீடு கோவையில் திருவிழா போன்று அமைய, சூப்பர் ஸ்டார் ரசிகர்கள் சமூக வலைத்தளங்களில் படங்களையும் வீடியோக்களையும் பகிர்ந்து வருகிறார்கள்.
Leave a Reply