ராமநாதபுரம் மாவட்டம் ராமேசுவரத்திலிருந்து மீன்பிடிக்கச் சென்ற 10 தமிழக மீனவர்களை இலங்கை கடற்படையினர் இன்று அதிகாலை கச்சத்தீவு அருகே கைது செய்தனர். அவர்களுக்குச் சொந்தமான ஒரு விசைப்படகும் பறிமுதல் செய்யப்பட்டது.
நேற்று வழக்கம்போல் கடலுக்குச் சென்ற மீனவர்கள், இந்திய கடல் எல்லைக்குள் மீன்பிடித்துக் கொண்டிருந்தபோது, இலங்கை கடற்படையினர் எல்லை தாண்டியதாக கூறி அவர்களை சிறைபிடித்ததாக மீனவச் சங்கங்கள் குற்றம்சாட்டின. கைது செய்யப்பட்ட மீனவர்கள் மன்னார் அல்லது காங்கேசன்துறை கடற்படை முகாமிற்கு அழைத்துச் செல்லப்பட்டுள்ளனர்.
தொடர்ந்து நடைபெறும் இத்தகைய கைது நடவடிக்கைகள் மீனவக் குடும்பங்களில் அச்சத்தையும் சோகத்தையும் ஏற்படுத்தி வருகிறது. கைது செய்யப்பட்ட மீனவர்களை உடனடியாக விடுவிக்கவும், பறிமுதல் செய்யப்பட்ட படகுகளை மீட்கவும் மத்திய அரசு தலையிட வேண்டும் என மீனவர்கள் கோரிக்கை விடுத்துள்ளனர். மத்திய வெளியுறவுத்துறை அமைச்சர் ஜெய்சங்கர் இன்று இலங்கை செல்ல உள்ள நிலையில், தமிழக மீனவர்கள் கைது செய்யப்பட்டுள்ளது பரபரப்பை ஏற்படுத்தியுள்ளது.
Leave a Reply