உத்தரபிரதேச மாநிலம் அயோத்தியில் உள்ள புகழ்பெற்ற ராமர் கோயிலில் பக்தர்கள் தரிசன நேரம் மாற்றப்பட்டுள்ளது. நாட்டின் பல்வேறு பகுதிகளிலிருந்தும் தினந்தோறும் ஏராளமான பக்தர்கள் இந்த கோயிலுக்கு வந்து தரிசனம் செய்து வருகின்றனர்.
முன்னர் அதிகாலை 4 மணியளவில் நடை திறக்கப்பட்டு, காலை 7 மணி முதல் பக்தர்கள் தரிசனத்துக்கு அனுமதிக்கப்பட்டது வழக்கம். இரவு 9 மணிக்கு நடை அடைக்கப்பட்டது.
புதிய மாற்றத்தின் படி, இனிமேல் இரவு 8.30 மணிவரை மட்டுமே பக்தர்கள் தரிசனம் செய்ய அனுமதி வழங்கப்படும். அதன் பின்னர் நடை அடைக்கப்படும் என கோவில் நிர்வாகம் அறிவித்துள்ளது.
மேலும், மதியம் 12.30 மணி முதல் 1 மணி வரை நடை தற்காலிகமாக அடைக்கப்பட்டு, பின்னர் 1 மணிக்கு மீண்டும் பக்தர்கள் தரிசனத்துக்கு திறக்கப்படும் என்று தெரிவிக்கப்பட்டுள்ளது.
பக்தர்கள் அதிக நெரிசல் இல்லாமல் சீரான தரிசனம் பெறும் வகையில் இந்த மாற்றம் செய்யப்பட்டுள்ளது.
Leave a Reply